ذات بوح سكبت بين أوراقي بعضا من قناعاتي وها أنا أسكبها هنا
السكوت أبلغ مـن العـذر السميـن لاغدا وقتي عـن الطيـب يحدانـي |
لاقسى وقتـي وانـا احسبـه يليـن وإنكسر صوتي على صهوة حصاني |
وجيت ألم اللي بقالـي مـن سنيـن باذلن عمري علـى كـف الأمانـي |
جيت والمعنى أبـي صيـدن ثميـن وإلا مضيت وجالها سيفـن يمانـي |
والعوض باللـي ليـا مـد اليميـن رز بيرقها علـى جـرد المحانـي |
لن وقف ياقف كما الضلـع المتيـن وإن برك يبرك كما شعيل العمانـي |
مكثرن قولـة تـرى ربـي يعيـن لانوى عبده علـى الخيـر ونوانـي |
من طلب ربه تـرى وقتـه يزيـن وإن كشف راسه غدا ضيف رحماني |
والعرب لو هي على الحق المبيـن كان ماناحو علـى ذيـك المبانـي |
علـم اللـي عذبـه كثـر الأنيـن قل جراحاتك تـرى ماهـي تدانـي |
وإن طرى للناس في قـول اليقيـن كلمتن تاصل على ركـب المعانـي |
قل مضى عمري وأنا عايش حزين والملا مثلـي بعـد يمكـن تعانـي |
والسكوت أبلغ من العـذر السميـن لاغدا وقتي عـن الطيـب يحدانـي |
ليست هناك تعليقات:
إرسال تعليق