سافر
وإرحل بجرحك حبيبي
يكفي هذا الليل جرح
وتكفي دموعك خناجر
سافرت كل الوجيه
وإرحلت كل القلوب
تدري احبك بس خايف
لو بتاخذك الدروب
لو بترحل عن عيوني
وارحل بجرحي لباكر
هالمسا لون عيونك
شمس وصباحات ومدن
تدري الدنيا بدونك
ضيقه وهموم وحزن
وتدري إني دون شوفك
آهتي تملى الحناجر
باعدت قلبك سنيني
وإرحلت كل الأماني
كان قلبك مايبيني
كان غيري حل مكاني
عدني خاطر ومرك
مر من ضمن الخواطر
إنسني وارحل كفاك
راح من عمري الكفايه
وارحل بجرحي معاك
لاتظن هذا برضايه
وخل من عود جروحه
تاقف بشط المحاجر
قلي بس شلون بانسى
لو بترحل عن عيوني
هو لهذا البحر مرسى
يقدر يحاصر شطوني
غير مااكتب وتقرا
بين طيات الدفاتر
ليست هناك تعليقات:
إرسال تعليق